Share this record

Contact Artefacts
please if you have any comments or more information regarding this record.

DU TOIT, Anton

Born:

Architect



List of Structures

Anton DU TOIT was invited to participate in the 50 year Anniversary of the University of Pretoria School of Architecture Alumni Exhibition held at the Pretoria Art Gallery on 7-25 July 1993. The following is a short biography which was published in the catalogue at the time.

Gebore te Boksburg, matrikuleer 1952 Afrikaanse Hoër Seunskool, Pretoria. Verwerf B.Arch en M.Arch aan die Universiteit van Pretoria.

Mnr du Toit is lid van die Instituut van Argitekte en het op verskeie komitees gedien waaronder die meriete-toekenningskomitee. As geregistrerde praktisyn het hy 'n beperkte praktyk beoefen met geselekteerde projekte wat wissel van interieurs in London tot inrigtings vir alkoholiste, verstandelik-gestremdes, kerke, skole, behuising en tegniese kolleges. Sulke werk is gedoen in medewerking met mense soos Karl JOOSTE, NORMAN EATON & LOUW, Wouter DU PREEZ, Carl GERNEKE en Felix VILJOEN.

Toekennings:
Erekleure vir studenteaktiwiteite deur die Studenteraad van UP (1958); as redakteur van die amptelike tydskrif vir die Institute van Argitektuur, Landskapargitektuur en Stads- en streekbeplanning, ontvang hy die Rossi-trofee in 1970 vir die beste tegniese tydskrif van die jaar; die Instituut van Argitekte se merietetoekenning vir voortreflike argitektuur in 1981 en 1991, en vir 'n trogdakstelsel waarvan hy mede-patenthouer is die Staal-toekenning vir die innoverende gebruik van struktuurstaal, die Barnib, Industriële toekenning, en beide 'n kategorie- en afdeling van die Ontwerp-instituut se Crystal-toekenning.

Onderwyservaring strek vanaf 1959 as demonstrateur en junior-dosent en sedert 1967 as voltyds-permanente dosent, later Senior lektor in die Departement Argitektuur. Hy tree by verskeie Universiteite op as eksterne eksaminator en as mede-assessor vir 'n nasionale argitektuur-prysvraag. Agt artikels oor mnr du Toit se argitektuur is reeds gepubliseer en hy het self ook agt gepubliseer terwyl hy by sewe Nasionale en Internasionale Kongresse as spreker opgetree het.

All truncated references not fully cited in 'References' are those of Joanna Walker's original text and cited in full in the 'Bibliography' entry of the Lexicon.